Vai de primeiro
o señor boteiro.
Tanxen campás,
son rebuldeiro.
Séguelle a gárgola
de Celanova
montando estrondo
cunha tixola.
O vellarrón
vén de Riós
facendo ruído
co seu tambor.
E unha mázcara
que é da Xironda
bate que bate
na cazarola.
Chegan de Baños
catro charrelos
con pandeiretas.
Dá xenio velos!
E logo vai
un chocalleiro,
que en vez de chocas
trouxo un pandeiro.

A peliqueira
das Teixugueiras
sopra na gaita.
Viva a gaiteira!
E o follateiro
que é un pouco rosmón
peta no bombo:
pom-pom-pom-pom.
Felos de Esgos
e Boborás
tocan nas cunchas:
chascarraschás!
Unha bonita
dirixe a orquestra;
todos a miran,
moito lle presta!
Un madamito
e unha madama
montan barullo
cunha gadaña.
Dende Buxán
a barullada
ármana as máscaras
con sachos e aixadas.

Touro e xigante
de Celavente
con aturuxos
moven a xente.
E o cabreiro
vén de Muíños
cantaruxando
«O Miudiño».
O vixigueiro,
que é de Samede,
sen que llo manden
tira foguetes.
E a Marela
que che é moi !na
lanza confeti
e serpentinas.
Dende a Veiga
chegou o boi.
Queredes viño?
Traio un bocoi!
E xa pechando
a comitiva
o fedelloso
papa na bica.

Vai de primeiro
o señor boteiro.
Tanxen campás,
son rebuldeiro.
Séguelle a gárgola
de Celanova
montando estrondo
cunha tixola.
O vellarrón
vén de Riós
facendo ruído
co seu tambor.
E unha mázcara
que é da Xironda
bate que bate
na cazarola.
Chegan de Baños
catro charrelos
con pandeiretas.
Dá xenio velos!
E logo vai
un chocalleiro,
que en vez de chocas
trouxo un pandeiro.

A peliqueira
das Teixugueiras
sopra na gaita.
Viva a gaiteira!
E o follateiro
que é un pouco rosmón
peta no bombo:
pom-pom-pom-pom.
Felos de Esgos
e Boborás
tocan nas cunchas:
chascarraschás!
Unha bonita
dirixe a orquestra;
todos a miran,
moito lle presta!
Un madamito
e unha madama
montan barullo
cunha gadaña.
Dende Buxán
a barullada
ármana as máscaras
con sachos e aixadas.

Touro e xigante
de Celavente
con aturuxos
moven a xente.
E o cabreiro
vén de Muíños
cantaruxando
«O Miudiño».
O vixigueiro,
que é de Samede,
sen que llo manden
tira foguetes.
E a Marela
que che é moi !na
lanza confeti
e serpentinas.
Dende a Veiga
chegou o boi.
Queredes viño?
Traio un bocoi!
E xa pechando
a comitiva
o fedelloso
papa na bica.

Non pare a festa, recoiro!
Quero sitio no folión!
Que o Entroido é para enchedoiros
e aquí vén o máis lambón.